प्रिय व्हायोला, तू ऑस्कर जिंकलेस… तुझ्या आयुष्यात प्रथमच तुला खऱ्या अर्थाने जिवंत असल्यासारखं वाटलं...
सर्वांनी, अगदी देवानेही आपल्याला नाकारलंय, या भयंकर जाणीवेने आलेलं भणंगपण कवटाळत तू प्रचंड धावत सुटलीस. सर्व दिशांनी घायाळ करणाऱ्या जगाने दिलेल्या वेदना आणि त्यात भरीस भर म्हणून आईला सतत मारझोड करणाऱ्या बापाच्या आघातांवर निदान आकाशातल्या बापाने तरी फुंकर घालावी, म्हणून तू कळवळून प्रार्थना करत होतीस पण... ‘I felt ugly. I felt unwanted, even by God’ असं तू म्हणतेस, तेव्हाचं तुझं प्रचंड एकाकीपण पोटात खड्डा पाडतं ग.......
