‘सातपाटील कुलवृत्तांत’ : या कादंबरीने मराठी कादंबरीला जगातील गाजलेल्या व मान्यताप्राप्त झालेल्या कादंबऱ्यांच्या रांगेत नेऊन उभे केले आहे!
‘सातपाटील कुलवृत्तांत’ ही कादंबरी अनेक अर्थाने दर्जेदार आहे. मराठीत प्रकाशित झालेल्या आजपर्यंतच्या कोणत्याही कादंबरीत न आलेला एवढा मोठा, प्रदीर्घ काळ या कादंबरीत येतो. ही कादंबरी अशा कोणत्याही प्रवाहात बसत नाही. शेवटी शेवटी निवेदक फक्त मराठी माणसाचा विचार करत नाही, तर विश्वातील अख्ख्या सजीव सृष्टीच्या अस्तित्वाची चिंता करतो. वंश, गोत्र, जात, धर्म, पंथ, राज्य, राष्ट्र, विश्व या सगळ्याच्या पलीकडे हे चिंतन जाते.......
