टपल्या
संकीर्ण - विनोदनामा
टिक्कोजीराव
  • चित्र - सतीश सोनवणे
  • Tue , 31 January 2017
  • विनोदनामा टपल्या Uddhav Thackeray Raosaheb Danve Shatrughan Sinha Starbucks Coffee Amit Shah

१. शिवसेनेवर घाणेरडी टीका करणार असाल तर आज फक्त घसा बसलाय, उद्या कायमचे घरी बसाल. शिवसेना म्हणजे महाराष्ट्राच्या अस्मितेचा अंगार आहे. या आगीशी खेळू नका. : शिवसेनेचा इशारा

मुंबईतला मराठी माणूस जोपर्यंत या कौटुंबिक जिव्हाळ्याच्या तीन अंकी ऐतिहासिक भरजरी बडबडनाट्यातून बाहेर येत नाही, तोपर्यंत त्याच्यावर हौसेने या अंगारांचे चटके खात कल्याण-विरारपल्याड शिफ्ट होण्याची पाळी येतच राहणार.

………………………………….………………………………….

२. डॉ. मनमोहन सिंग परदेशात भ्रष्ट देशाचा पंतप्रधान म्हणून ओळखत असत. पण, नरेंद्र मोदींमुळे जागतिक नेतृत्वाची हिंमत भारतामध्ये निर्माण झाली. जगभर देशाचा मानसन्मान वाढला. भाजपाच्या सरकाराने अनेक प्रलंबित प्रश्न मार्गी लावताना, सर्वसामान्यांच्या व शेतकऱ्यांच्या हिताचे धाडसी निर्णय घेतले. त्यामुळे सर्वत्र विश्वासाचे वातावरण असल्याने सध्या भाजपा हा देशातील सर्वांत मोठा पक्ष बनला असून, निवडणुकांमधील घवघवीत यशाची मालिका कायम राहील. : भाजपाचे प्रदेशाध्यक्ष रावसाहेब दानवे

टाळ्या टाळ्या टाळ्या. दानवेसाहेब, हा बलशाली, हिंमतबाज भारत नेमका कुठे आहे, ते तरी सांगून टाका. बऱ्याच लोकांना आवडेल तिकडे शिफ्ट व्हायला. बाकी ते जगाचं नेतृत्व वगैरे जरा हळूच बोला. तिकडे ट्रम्पतात्यांनी ऐकलं तर ते भारतातून येणाऱ्यांवरही व्हिसाबंदी लादतील आणि मग मॅडिसन स्क्वेअरवर जगाचे नेते भाषण कुणासमोर करतील?

………………………………….………………………………….

३. माझ्यामध्ये कम्पाऊंडर बनण्याचीदेखील पात्रता नव्हती. मात्र मला केंद्रीय आरोग्य मंत्री बनवण्यात आले. : भाजप नेते शत्रुघ्न सिन्हा

शांतता शांतता! शत्रुघ्न सिन्हा यांनी हे विधान फक्त आणि फक्त आणि फक्त आणि फक्त भूतपूर्व एनडीए सरकारमधल्या त्यांच्याच निवडीबद्दल केलं असून या विधानाचा विद्यमान सरकारमधल्या कोणाच्याही नियुक्तीशी कसलाही संबंध जोडू नये… खामोश!!!

………………………………….………………………………….

४. अमेरिकेचे राष्ट्राध्यक्ष डोनाल्ड ट्रम्प यांनी सात मुस्लीम देशातील नागरिकांना अमेरिकेत येण्यास मज्जाव घातल्यानंतर जगप्रसिद्ध कॉफी चेन स्टारबक्सने पाच वर्षांमध्ये १०,००० निर्वासितांना नोकरी देऊन ट्रम्प यांच्या निर्णयाचा निषेध करणार असल्याचं जाहीर केलं.

अरे देवा, आता उदारमतवाद्यांना स्टारबक्सची ती बेचव कॉफी केवळ तत्त्वाचा प्रश्न म्हणून वारंवार प्यावी लागणार की काय! ट्रम्प निवडून आल्यामुळे ही वेळ येईल, अशी अमेरिकनांना पुसटशी जरी कल्पना असती, तरी त्यांनी केवळ त्या भीतीने हिलरी क्लिंटनना निवडून दिलं असतं.

………………………………….………………………………….

५. पाच राज्यांमधल्या निवडणुकांमधील उमेदवारांसाठी बॅंकेतून पैसे काढण्याची मर्यादा शिथिल करून वाढवावी असे पत्र निवडणूक आयोगाने रिझर्व्ह बँकेला लिहिले आहे. उमेदवारांना प्रचारासाठी रोख रकमेची आवश्यकता असल्याने आठवड्याला २४,००० रुपये त्यांना कसे पुरतील? असा सवाल करून ही मर्यादा वाढवून आठवड्याला दोन लाख रुपये करावी, अशी विनंती निवडणूक आयोगाने आरबीआयला केली आहे. 

सर्वपक्षीय उमेदवार बँकेतून आठवड्याला दोन लाख रुपये काढून त्यातून प्रचार करणार आहेत, अशी निवडणूक आयोगाची गैरसमजूत कशामुळे झाली असेल? एखादा उमेदवार असं करतो आहे, असं मतदारांना कळलं तर तो त्याच्यासंदर्भात 'अपप्रचार' ठरून त्याची सीट धोक्यात येईल.

………………………………….………………………………….

६. राहुल गांधींनी लग्नाचा विचार केल्यास त्यांचं येणारं बाळही आगामी काळात विरोधी पक्षाचा नेता होईल. : अमित शाह

खरं आहे. पण, साधनशुचितेचा जप करणाऱ्या शुचिर्भूत पक्षाला तडीपार, दंगलखोर गुंड अध्यक्ष म्हणून लाभण्यापेक्षा ही स्थिती कमी लाजिरवाणी असेल, नाही का?

editor@aksharnama.com

Post Comment

अक्षरनामा न्यूजलेटरचे सभासद व्हा

ट्रेंडिंग लेख

अन्यायाच्या विरोधातली माझी लढाई अजून संपलेली नाही. आताशी कुठे एक ठाणं काबीज केलंय... लढाई अजूनही सुरूच आहे...
‘विक्रम अँड वेताळ @ हैबतपूर’ :  शेती आणि शेतकऱ्यांचे प्रश्न मांडत सामाजिक, राजकीय आणि आर्थिक स्थित्यंतराचं प्रभावी चित्रण करणारी कादंबरी
टीका ‘सिलेक्टिव्ह’ नको!
अभिनेते दादा कोंडके यांच्या शब्दांत सांगायचे, तर महाराष्ट्राचे राजकारण, समाजकारण, संस्कृतीकारण ‘फोकनाडांची फालमफोक’ बनले आहे
पांडुरंग सदाशिव खानखोजे नावाचा माझा ‘माथेफिरू’ बाप!

सदरे

सुनील तांबे
परिमल माया सुधाकर
निखिल वागळे
संजय पवार
अमोल उदगीरकर

इतर लेख

जेव्हा तुम्ही केक खाता, तेव्हा फक्त मौज असते. आनंद असतो... टिकाऊ प्रेमाची खरी किल्ली, आयुष्यभर प्रणयभावना जपण्यातच असते...

लोक नेहमी असे विचारतात, प्रेमाच्या विज्ञानाचे एवढे सगळे ज्ञान झालेल्या या फिशरबाईंना प्रेमाने तर नाही बिघडवले? प्रेमाची इंगळी तर नाही त्यांना डसली? त्यावर फिशरबाईंचे उत्तर होते जवळपास नाहीच! तुम्हाला चॉकलेट केकमध्ये कोणकोणते घटक पदार्थ असतात, हे नेमकेपणाने ठाऊक असते, पण जेव्हा तुम्ही तो केक खाता, तेव्हा फक्त मौज असते. आनंद असतो. टिकाऊ प्रेमाची खरी किल्ली, आयुष्यभर प्रणयभावना जपण्यातच असते.......

शिरोजीची बखर : प्रकरण विसावे - गेल्या दहा वर्षांत ‘लिबरल’ लोकांना एक आणि संघाच्या लोकांना एक, असे दोन धडे मिळाले आहेत. काँग्रेसला धर्माची आणि संघाला लोकशाहीची ताकद कळून चुकली आहे!

धर्म आणि आर्थिक आकांक्षा यांचा मेळ घालून मोदीजी सत्तेवर आले होते. धर्माचे विषय राममंदिर झाल्यावर मागे पडत चालले होते. आर्थिक आकांक्षा मात्र पूर्ण झाल्या नव्हत्या. त्या पूर्ण होण्याची शक्यताही नव्हती. मुसलमान लोकांच्या घरांवर उत्तर प्रदेश, मध्य प्रदेश वगैरे राज्यात बुलडोझर चालवले जात होते. मुसलमान लोकांवर असे वर्चस्व गाजवायचे असेल, तर भाजपला मत द्या, असे संकेत द्यायचे प्रयत्न चालले होते. पण.......

तुम्ही दुसरा कॉम्रेड सीताराम येचुरी नाही बनवू शकत. मी त्यांना अत्यंत कठीण परिस्थितीतही कधी उमेद हरवून बसलेलं पाहिलं नाही. हे गुण आज दुर्लभ होत चालले आहेत

ज्याचा कामगार वर्गावरील विश्वास कधीही कमी झाला नाही, अशा नेत्याच्या रूपात त्यांचं स्मरण केलं जाईल. कष्टकरी मजुरांप्रती त्यांचं समर्पण अद्वितीय होतं. त्यांच्या राजकीय जीवनात खूप चढ-उतार आले, पण त्यांनी स्वतःची उमेद तर जागी ठेवलीच, पण सोबत आम्हा सर्वांनाही उभारी देत राहिले. त्यांनी त्यांच्याशी जोडल्या गेलेल्या व्यापक समूहात त्यांची श्रद्धा असलेल्या विचारधारेप्रती असलेला विश्वास कायम जिवंत ठेवला.......

केवळ साक्षीभावाने पाहावे लागण्याचे धबधब्याचे विधिलिखित याही वर्षी चुकलेले नाही…

तथाकथित वृत्तपत्राचा आणि सेना, ब्रिगेड, संघटना यांचा घाटातल्या धबधब्यातला इन्ट्रेस्ट आता संपला आहे. मध्यवर्ती सरकारने घेतलेल्या कुठल्याशा महत्त्वाच्या, दूरगामी, कदाचित आत्मघाती निर्णयावर देशभर चालू झालेल्या चर्चा, निदर्शने, निषेध, आंदोलने इ. मध्ये आता त्यांनी उडी घेतली आहे. तीन हवालदार अजूनही निलंबित आहेत, चौकशीचा फेरा अजून थांबलेला नाही. पावसाळा संपल्यामुळे आता धबधब्याची तब्येतही खालावली आहे.......

शिरोजीची बखर : प्रकरण एकोणिसावे - ‘बाकी जे काही असेल ते असो, आपण प्रधानसेवक आहात, सेवकासारखे वागा’, असा स्पष्ट संकेत चार तारखेला भारतीय जनतेने नरेंद्र मोदींना दिला

भारत हा महाप्रचंड देश आहे. येथे सगळ्यांना सामोपचारानेच बरोबर घेऊन जावे लागते, हा धडा मोदीजी विसरले होते. कुणाच्याही टाचेखाली यावा, इतका ‘अनाडी भारत’ आता राहिला नव्हता! ‘मी प्रधानसेवक आहे’, असं म्हणणाऱ्या माणसाची मजल ‘ईश्वरीय ऊर्जा माझ्यामधून काम करते’, असं म्हणण्यापर्यंत गेली होती. परंतु भारतीय जनता फसली नाही.......

शिरोजीची बखर : प्रकरण अठरा - निकाल काहीही लागले, तरी या निवडणुकीच्या निमित्ताने दलितांमधील आत्मविश्वासामुळे ‘लोकशाही’ बळकट झाली, असे इतिहासकारांना म्हणता येणार होते...

...तीच गोष्ट आरक्षण रद्द केले जाईल की काय, या भीतीमुळे घडली होती. आरक्षण जाईल या भीतीने दलित पेटून उठले होते. या दुनियेत आर्थिक प्रगती करण्यासाठी तेवढी एकच गोष्ट दलितांपाशी होती. दलितांचे आंदोलन उभे राहण्याआधीच घटना बदलली जाणार नाही, असे आश्वासन मोदीजींनी दिले. राज्यघटनेविषयी दलित वर्ग अजून एका बाबतीत संवेदनशील होता. ती घटना बदलण्याचा विषय काढणे, हेदेखील दलित अस्मितेवर घाव घालण्यासारखे होते.......

​​​​​​​शिरोजीची बखर : प्रकरण १७ - ‘ओपिनियन पोल्स’ वगैरे बकवास प्रकार असतो सगळा. चार-पाच टक्के ‘फ्लोटिंग व्होटर्स’ असतात, ते निवडणूक ‘डिसाइड’ करतात!

मोदीजी आणि विरोधी पक्ष असे दोघेही निशीसारख्या लोकांची मतं आपल्या बाजूने फिरवण्याचा प्रयत्न करणार होते. कुठल्याच बाबतीत निश्चित मत नसलेले निशीसारखे लोक त्या निवडणुकीचा निकाल ठरवणार होते. ते काय ठरवणार आहेत, याचा त्यांनाच पत्ता नव्हता. त्यामुळे तो इतर कुणाला  लागायची काहीच शक्यता नव्हती. मोदी, मोदीभक्त, मोदी-विरोधक, दोन्ही बाजूंचे ‘ओपिनियन पोल्स’वाले असे सगळेच हवेत बोलत होते.......

शिरोजीची बखर : प्रकरण १६ – ‘इलेक्टोरेल बाँड’ प्रकरणानंतर ‘मोदीकालीन भारता’तील राजकारणानं एक जबरदस्त वळण घेतलं…

सगळे पक्ष एक-दुसऱ्याला भ्रष्ट म्हणत होते आणि मूलतः स्वतः सत्तेवर आल्यावर तेच करत होते, हे ‘मोदीकालीन भारता’तील दारुण वास्तव होते. शिरोजीने फक्त भ्रष्टाचार हा विषय घेऊन बखर लिहिली नव्हती. भ्रष्टाचार या विषयात पुरावे मिळणं फार दुरापास्त असल्याने शिरोजी भ्रष्टाचारावर लिहीत नव्हता. परंतु इलेक्टोरेल बाँडचे भांडे फुटल्यावर त्याचाही नाइलाज झाला असणार.......

मुका इसाप अचानक बोलू लागला, तसेच आपल्याकडचे अचानक मुके झालेलेही बोलू लागतील, अशी आशा करू या. ‘नव्या’ने मिळालेला आवाज ‘धारदार’ असतो, असं म्हणतात. ‘धारदार गोष्टीं’ची वाट बघू या…

पुढे कधी तरी चमत्कार झाला आणि इसाप बोलू लागला. मनात साठवलेलं सांगू लागला. गुलामांकडे गोष्टी असतात. गुलामांना गोष्टी रचता येतात. तो गोष्टी सांगू लागला. प्राण्यांच्या गोष्टी सांगून चलाख, धूर्त, दुष्ट, कपटी माणसांना उघडं पाडू लागला. इसाप गोष्टींच्या थारोळ्यात पडला, पण मेला नाही. इसाप अजूनही जिवंत आहे. गोष्टी सांगणारा मेला, तरी त्याच्या गोष्टी छळत राहतात. असो!.......

एक राजकीय ‘विरुपिका’ : ‘तुझी’ मुलं आणि ‘माझी’ मुलं मिळून ‘आपल्या’ मुलांना मारताहेत…

गेल्या दहा वर्षांत महाराष्ट्रातल्या पक्षीय राजकारणाची आधी ‘ट्रॅजेडी’ झाली, मग त्या ‘ट्रॅजेडी’ची ‘कॉमेडी’ होत गेली… आणि आता ती ‘ट्रॅजिक-कॉमेडी’ झालेली दिसू लागली आहे. त्यात अनेक ‘कथा’, ‘व्यथा’, ‘शोकांतिका’, ‘सुखात्मिका’ आहेत, पण या सगळ्यापेक्षाही ‘विरुपिका’ सर्वांत जास्त आहेत, असं वाटतं. ही ‘राजकीय विरुपिका’ त्यापैकीच एक.......

© 2024 अक्षरनामा. All rights reserved Developed by Exobytes Solutions LLP.